ᐃᓅᓯᖅ ᓈᓚᕝᕕᓐᓂ

ᓄᓇᖃᖅᓱᓂ ᓈᓚᕝᕕᓐᓂ ᑕᐃᓐᓇᑎᑐᑦ ᐹᒃᔅ−ᒪᐃᓐ ᐃᒪᐃᑦᑑᕙᔪᕗᖅ ᓄᑖᑦ ᐊᑦᓱᕈᓐᓇᕈᑎᓖᑦ ᑕᒪᒃᑯᓄᖓ ᐃᓘᓐᓇᖏᓐᓄᑦ ᓈᓚᕝᕕᓐᓂ ᐃᖅᑲᓇᐃᔭᖅᑎᓄᑦ.

ᐃᓅᓐᖏᑦᑐᑦ ᐊᖏᕐᕋᖃᖅᓱᑎᒃ, ᐃᖅᑲᓇᐃᔭᖅᓱᑎᒃ, ᓂᕆᕐᓗᑎᒃ, ᐊᒻᒪᓗ ᓯᓂᑦᓱᑎᒃ ᑕᐃᑲᓂ ᓈᓚᕕᒻᒥ. ᓴᓇᕙᒌᖅᓯᒪᔪᑦ “ᐃᓪᓗᐃᑦ” ᑲᑎᓐᖓᑎᑕᐅᓪ− ᓗᑎᒃ ᑕᑭᔪᑯᑖᖑᓕᖅᓱᑎᒃ, ᓄᓇᓯᐅᑎᑯᑖᑎᑐᑦ. ᓯᓚᕐᓂ− ᓗᑦᑎᓪᓗᒍ, ᑕᒪᒃᑯᐊ ᐊᓂᒐᔪ− ᐃᑉᐸᔪᕗᑦ ᓄᓇᓯᐅᑎᑯᑖᖑ− ᔭᕐᓂᒃ.

ᐃᓄᐃᑦ ᐊᖏᕐᕋᖃᔪᕗᑦ ᐃᒻᒥᒃᑯᑦ ᐃᓪᓗᖃᖅᓱᑎᒃ. ᐊᒥᓱᑦ ᓇᑦᓴᖅᓯᒪᖃᑦᑕᔪᔪᑦ ᐃᓚᒥᓐᓂᒃ. ᑕᒪᒃᑯᐊ ᐃᓇᑕ− ᐅᕙᓪᓕᐊᑐᐃᓐᓇᖃᑦᑕᓕᔪᕗᑦ, ᐃᓛᓐᓂᒃᑯᑦ ᐃᓱᒪᖅᓱᖅᑎᑕᐅ− ᒐᑎᒃ, ᑕᐃᒪᓐᖓᓕᒫᒥᒃ ᐊᖏᕐ− ᕋᖃᖁᓪᓗᒋᑦ ᑕᐃᑲᓂ ᖃᓂᑦ− ᑐᒥ ᕼᐊᓪ ᐲᑦᔅᒥ (ᐅᓪᓗᒥ ᖃᐅᔨᒪᔭᐅᔪᖅ ᐃᒫᒃ ᓴᓂᕋᔭᒃ).

ᐃᓄᖕᓄᑦ ᐃᖅᑲᓇᐃᔭᖅᑎᓄᑦ, ᑕᐃᑲᓃᖏᓐᓇᕐᓂᖅ FOX-MAIN-ᒥ — ᑲᑎᙵᓪᓗᑎᒃ ᐃᓚᒌᑦ ᓇᒃᓴᓚᐅᖅᑕᖏᑦ — ᐃᓚᖃᓚᐅᖅᐳᖅ ᐊᒃᓱᕈᕐᓇᖅᑐᒥᒃ ᓴᐱᓕᕐᓂᕐᒥᒃ ᐃᓕᖅᑯᓯᑐᖃᖅᑎᒍᑦ ᐃᓅᓯᕆᔭᒥᓂᒃ.

ᐃᓄᐃᑦ ᐃᓪᓗᖏᑦ

ᑕᒪᒃᑯᓄᖓ ᐃᓄᓐᓄᑦ ᐃᖅᑲᓇᐃ− ᔭᖅᑎᓄᑦ, ᑕᐃᑲᓂᒥᐅᓄᑦ ᐹᒃᔅ−ᒪᐃᓐᒥ−ᐃᓚᖃᖅᓱᑎᒃ ᐃᓚᒥᓐᓂᒃ ᓇᑦᓴᖅᓯᒪᔭᒥᓐᓂ− ᐃᓚᒍᑦᓯᐅᔾᔨᓯᒪᔪᕗᑦ ᑎᓕᐅᖅᑕᐅ− ᓂᕐᒥᒃ ᓴᒃᑯᑦᓯᖁᔭᐅᓪᓗᑎᒃ ᐊᑐᕋ− ᔪᑦᑕᖏᓐᓂᒃ ᒪᑯᓂᖓ ᓯᐊᕈᐊᓗᓂ ᐃᓅᓯᕆᓯᒪᔭᖏᓐᓂᒃ.

ᐃᐅᓪᕙ ᐱᒐᓚᒃ ᑖᓐᑯᐊᓗ ᕿᑐᕐ− ᖓᖏᒃ ᐃᑦᓇ ᐊᒻᒪ ᕼᐊᓕ ᓯᕗᕌᓂ ᐃᓄᓐᓄᑦ ᐃᓪᓘᑎᑕᐃᑦ, ᑲᒻ−ᒪᐃᓐ ᐅᕝᕙᓘᓐᓃᑦ ᐱᓐ−3/ᐱᓐ−4, ᑕᒫᓂᒐᓚᒃ 1960. ᐊᔾᔨᓕᐅᒐᖅ ᐅᕙᓐᖔᖅᓯᒪᔪᖅ ᐃᑦᓴ ᐃᓚᐃᐊᔅ.

ᐃᓘᓐᓇᒐᓚᑎᒃ ᐃᓄᐃᑦ ᑕᒪᒃᑯᐊ ᐃᖅᑲᓇᐃᔭᖃᑦᑕᖅᑐᒥᓃᑦ ᓈᓚᕝ− ᕕᒻᓂ ᐆᒪᒍᓐᓃᖅᑯᑦ, ᕿᑐᕐᖓᖏᑦ ᐃᖅᑲᐅᒪᔭᖃᖅᑯᑦ ᑕᐃᑦᓱᒪᓂ ᐊᑦᓱᐊᓗᒃ ᐊᓯᔾᔨᓕᓚᐅᖅᓯᒪᒻᒪᑕ.

ᐊᑏ ᖃᐅᔨᒪᒋᐊᕐᓂᐊᕆᑦ ᐃᓚᖏᑦ ᐅᓂᒃᑳᑦ ᑕᕝᕙᓂ ᐊᕕᑦᑐᖅᓯᒪᔪᓂ ᑲᒪᒋᔭᖃᕐᖓᑕ ᐊᑦᓱᕈᕐᓇᖅᑐᓂᒃ ᐅᓂᒃᑳᕆᔭᓂᒃ. ᓴᐳᔾᔭᐅᓯᒪᒍᒪᒍᕕᑦ ᓇᕿᓪᓗᒍ ᐅᕙᓂ.

ᐱᕈᖅᓴᓂᖅ ᐊᕙᓗᐊᓂ ᓈᓚᕝᕖᑦ

ᖃᑕᓐᖑᑎᒌᑦ ᑕᒪᒃᑯᐊ ᐃᓄᐃᑦ ᓱᕈᓰᑦ ᐱᕈᖅᓴᓚᐅᖅᓯᒪᕗᑦ ᑕᒪᒃᑯᐊ ᐅᕙᓗᖏᓐᓂ ᓈᓚᕝᕖᑦ ᐊᐅᓚᑎᑕᐅᑎᓪᓗᒋᑦ.

ᑕᒪᓐᓇ ᐊᑦᑐᐃᓯᒪᓂᖓ ᐃᒥᐊᓘᑉ

ᐃᑦᓇ ᐃᓚᐃᐊᔅ ᐅᖃᓕᒪᔪᖅ ᒥᑦᓵᓄᑦ ᑕᐅᑐᖃᑦᑕᓂᒥᓂᕐᒥᓂᒃ ᐃᓄᓐᓂᒃ ᐊᒻᒪᓗ ᓈᓚᕝᕕᒻᒥᐅᓂᒃ ᐃᒥᐊᓗᑦᑎᓪᓗᒋᑦ. −ᐊᒻᒪᓗ ᖃᓄᖅ ᑕᒪᓐᓇ ᐊᑦᑐᐃᓯᒪᓂᖓᓂᒃ ᑖᑦᓱ− ᒪᓐᖓᑦ ᐊᒻᒪᓗ ᐊᓯᖏᓐᓂᒃ ᓱᕈᓯᕐᓂᒃ.

ᕿᒻᒦᑦ (ᕿᒧᑦᓰᑦ ᕿᒻᒦᑦ)

ᕿᒻᒦᑦ ᑕᒪᒃᑯᐊ ᐃᓚᒋᔭᐅᖃᑦᑕ− ᔪᕗᑦ ᐃᓅᓯᖏᓐᓄᑦ ᐃᓄᐃᑦ ᐊᒥᓱᑦ. ᐃᓚᒌᑦ ᓅᒐᒐᔪᑉᐸᔪᒻᒪᑕ ᓇᒧᒐᓚᒃ, ᐆᒪᔪᕋᓱᐊᖅᓱᑎᒃ, ᐊᒻᒪᓗ ᓂᕿᑦᓴᓂᒐᓱᐊᖅᓱᑎᒃ ᒪᓕᑦᑕᐅᓪ− ᓗᓂ ᓯᓚᐅᑉ ᐊᓯᔾᔨᑕᕐᓂᖓ, ᖁᔭᓇᖅᑐᑦ ᑕᐃᒪᐃᒃᑲᐃᖃᑦᑕᔪᒻᒪᑕ ᕿᒻᒥᖏᑦ ᖃᒧᑎᖏᓪᓗ.

ᐱᓐᖑᐊᕐᓂᖅ, ᓯᓚᒥ

ᓯᓚ ᐱᕕᖃᖅᑎᑦᓯᑐᐊᖅᑲᑦ, ᓯᓚᒨ− ᖃᑦᑕᕐᓂᖅ ᑕᒪᓐᓇ ᐃᓱᒪᖃᓐᖏ− ᑲᐃᓐᓇᕐᓇᐅᕗᖅ ᑕᒪᒃᑯᓇᓐᖓᑦ ᑖᑦᓱᒥᖓᑦᓴᐃᓐᓇᖅ ᑕᑯᓐᓇᓂᕐᒥᒃ ᑕᐃᑲᓂ ᓈᓚᕝᕕᐅᑉ ᑕᑯᓐᓇᕈᑎ− ᖓᓂᒃ.

ᐃᖃᓪᓕᐊᕐᓂᖅ ᐆᒪᔪᖅᓯᐅᓂᕐᓗ ᖃᓱᑎᑦᓯᕙᔪᕗᖅ ᐃᕿᐊᓐᖑᕐᓂᐊ− ᓗᒻᒥᒃ ᐱᑎᑦᓯᓪᓗᓂᓗ ᓄᑖᒥᓂᕐᓂᒃ ᓂᕿᓂᒃ. ᐊᔾᔨᓕᐅᒐᖅ ᐅᕙᓐᖓᖅᓯᒪᔪᖅ ᒫᑎᓐ ᐋᓪᓕᓐᓴᓐ

ᑕᒪᓐᓇ ᐅᑭᐅᖅᑕᖅᑐᖅ ᐃᒪᐃᑉᑑ− ᕙᔪᕗᖅ ᐊᒻᒪᓗ ᐃᒪᐃᑦᑑᕗᕐᓗ ᐱᑕᓕᐹᓗᒃ ᐊᒥᒐᓐᖏᑦᑐᓂᒃ ᐅᒪᔪᓂᒃ. ᐃᓚᖏᑦ ᓈᓚᕝᕕᓕᕆᔩᑦ ᐃᖃᓪᓕᐊᖅᐸᔪᕗᑦ ᐆᒪᔪᕋᓱᐊᖅ− ᖃᑦᑕᖅᓱᑎᓪᓗ ᐊᐃᑉᐸᖃᖅᓱᑎᒃ ᑲᒪᓕᓂᕐᓂᒃ ᐃᓄᓐᓂᒃ ᐃᖅᑲᓇᐃ− ᔭᖅᑎᐅᖃᑎᒥᓐᓂᒃ. ᐊᓯᖏᑦ ᖃᐅᔨᖃᑦᑕᔪᔪᑦ ᐱᒐᓱᐊᕐᓂᖃᕈᒪ− ᒋᐊᖅ ᐊᔾᔨᓕᐅᕆᖃᑦᑕᓂᕐᒥᒃ.

Tᑕᒪᒃᑯᐊ ᐃᖅᑲᓇᐃᔭᖅᑏᑦ, ᑕᒪᒃᑭᒃ ᐃᓅᓐᖏᑦᑐᑦ ᐃᓄᐃᓪᓗ, ᑲᒪᒋᑦ− ᓯᐊᖃᑦᑕᐅᑎᕙᔪᕗᑦ ᒪᓐᓇᐅᓂ− ᖓᓄᑦ ᐃᓅᓯᖅ ᑐᖁᒦᓐᓇᐅᓂᕐᒥᒃ ᐊᑐᓕᕋᐃᒻᒪᑕ. ᓇᓄᐃᑦ ᑎᑭᕌᒐ− ᔪᑉᐸᔪᕗᑦ ᓈᓚᕝᕖᑦ ᓄᓇᖏᓐᓄᑦ, ᕿᓂᖅᓱᑎᒃ ᐊᑐᐃᓐᓇᓂᒃ ᓂᕿᓂᒃ.

ᐃᓄᐃᑦ ᑕᒪᒃᑯᐊ ᐊᑐᕈᓐᓇᖅᑎᑕ− ᑑᖃᑦᑕᔪᕗᑦ ᖁᑭᐅᑎᓂᒃ.

ᖃᒧᑕᐅᔭᐃᑦ

ᖃᒧᑕᐅᔭᐃᑦ, ᐊᑲᐅᓪᓗᑎᒃ ᓇᒧᓐᖔᔭᒍᑎᒋᓪᓗᒋᑦ, ᒪᑭᒪᒋᐊᖃ− ᖃᖅᑯᑦ ᐅᖅᓱᑐᖅᓱᑎᓪᓗ. ᑕᒪᓐᓇ ᐃᓱᒪᖅᓱᓇᖅᓯᒪᓐᖏᓚᖅ ᐃᓄᓐᓄᑦ ᐃᓯᕆᐊᖃᓕᖅᓱᑎᒃ ᑮᓇᐅᔭᓕᐅ− ᕋᓱᐊᕆᐊᖃᕐᓂᕐᒧᑦ ᑐᓐᖓᕕᖃᖅ− ᑐᒥᒃ ᐊᖅᑭᓱᖅᓯᒪᔪᒧᑦ ᓴᒃᑯᑦᓯᓗ− ᑎᓪᓗ ᕿᒻᒥᒥᓐᓂᒃ (ᖁᒧᑦᓰᑦ ᕿᒻᒦᑦ). ᐊᔾᔨᓕᐅᒐᖅ ᐅᕙᓐᖔᖅᓯ− ᒪᔪᖅ ᐲᑕ ᕆᒃᑯᕆᐱ

ᐃᓅᓯᖃᕐᓂᖅ ᐃᖅᑲᓇᐃᔭᖃᑎᒌᓐᓂᕐᓗ

ᐲᑕ ᓕᕕᑖᒡ ᐅᖃᓕᒪᔪᖅ ᒥᑦᓵᓄᑦ ᖃᐅᔨᓯᒪᔭᒥᓂᒃ ᑕᒪᒃᑯᓂᖓ ᐃᓄᓐᓂᒃ. ᓇᕿᓪᓗᒍ ᐅᕙᓂ ᑕᑯᓐᓇᕈᒪᒍᕕᑦ ᑕᑯᓐᓇᒐᓕᐊᕆᓯ− ᒪᔪᒥᒃ.

ᐊᔾᔨᓕᐅᒐᖅ

ᐊᒥᓱᑦ ᓈᓚᕝᕕᓕᕆᔩᑦ ᖃᐅᔨᖃᑦ− ᑕᔪᕗᑦ ᐃᓅᓯᓕᒫᕆᓂᐊᓕᖅᑕᒥᓐᓂ ᖁᕕᐊᒋᔭᖃᕐᓂᕐᒥᒃ ᐊᔾᔨᓕᐅᕆ− ᖃᑦᑕᓂᕐᒥᒃ ᑕᑉᐹᓃᑦᓱᑎᒃ ᐅᑭᐅᖅᑕᖅᑐᒥ.

ᐱᓐᖑᐊᕐᓂᖅ

ᓯᓚᑦᓯᐊᖑᑐᐊᕐᖓᑦ ᐃᒪᐃᑉᐸᔪᕗᑦ ᓯᓚᒥ ᐱᓐᖑᐊᕈᓐᓇᖅᓯᓪᓗᑎᒃ

ᐃᖅᑲᓇᐃᔭᖅᑎᓄᑦ ᐃᓪᓗᕈᓰᑦ

ᐊᑯᓂ ᐃᑲᕐᕋᐃᑦ ᑕᑯᓐᓇᑯᑖᑦᑐᑦ ᑕᑯᓐᓇᕈᑎᒥᒃ. ᐊᓯᔾᔨᑕᖅᑐᑦ ᐃᖅᑲ− ᓇᐃᔭᕐᓇᖏᑦ ᑲᒪᓇᐅᕗᖅ ᐊᑦᑕ− ᓇᖅᑐᓂᒃ ᓯᓚᒥ ᑲᒪᒋᒋᐊᓕᓐᓂᒃ. ᓄᖅᑲᖓᑲᐃᓐᓇᕐᓂᖅ ᑐᓴᕐᓗᒍ ᐊᑦᓱᐊᓗᒃ ᐱᐅᕙᔪᕗᖅ.

ᓯᓂᑦᑕᕐᕖᑦ ᓱᓇᖃᓗᐊᕋᑎᒃ, ᑭᓯᐊᓂ ᑕᒪᒃᑯᐊ ᐱᕕᖃᖅᑎᑦᓯᔪ− ᑑᕗᑦ ᐃᓄᑑᑲᐃᓐᓇᓂᕐᒥᒃ. ᐳᕋᐃᐊᓐ ᓯᐳᕌᑦ ᑕᖃᐃᖅᓯᖅᑯᖅ ᑕᐃᑲᓂ :ᐸᑉᓱᕆ ᐃᓚᒋᔭᐅᔾᔪᑎ− ᖃᕆᐊᓕᒻᒥ.” ᐊᔾᔨᓕᐅᒐᖅ ᐅᕙᓐᖔᖅᓯᒪᔪᖅ ᐳᕋᐃᐊᓐ ᔨᕝᕗᕆ

ᐃᓚᖏᑦ ᓈᓚᕝᕕᓕᕆᔩᑦ ᐃᓪᓗᕈ− ᓯᕐᒥᐅᖃᑎᖃᖃᑦᑕᔪᕗᑦ ᓯᓂᕝᕕᒥᓐᓂ. ᐊᓯᖏᑦ ᐃᓪᓗᕈᓯ− ᖃᖅᓱᑎᒃ ᐃᒻᒥᑯᑦᓯᐊᖅ ᑕᐃᑲᓂ ᓄᓇᓯᐅᑎᑯᑖᖑᔭᕐᒥ.

ᑕᒪᒃᑯᐊ ᐱᒐᓱᐊᖅᐸᔪᕗᑦ ᐱᕕᖃ− ᕋᓗᐊᖅᑐᑎᒃ ᐊᒻᒪᓗ ᐱᐅᓗᐊᕋᑎᒃ ᐃᓪᓗᕈᓰᑦ ᓇᒻᒥᓂᕆᒐᓱᐊᖅᐸᔪ− ᔭᖏᑦ.

ᑕᒪᓐᓇ ᐅᑭᐅᖅᑕᖅᑑᑉ ᐊᕙᑎᖓ− ᓃᓐᓂᖅ ᓯᓂᕝᕕᑦᓴᐅᑦᓯᐊᖃᑦᑕᔪᓐ− ᖏᓚᖅ. ᐅᑭᐅᒃᑯᑦ, ᖃᐅᒪᒡᒐᐃᓇ− ᖃᑦᑕᖅᓱᓂ. ᐊᐅᔭᐅᑉ ᕿᑎᖓᓂ, ᑕᒪᓐᓇᓕ ᐃᓪᓗᐊᓄᖔᖓᕗᖅ ᓱᓕᔪᒥᒃ.

ᐃᓱᒪᓕᕆᓂᕐᒧᑦ ᐋᓐᓂᐊᖃᕐᓇᖏᑦᑐᓕ− ᕆᓂᖅ

ᐃᓱᒪᓕᕆᓂᕐᒧᑦ ᐋᓐᓂᐊᖃᕐᓇ− ᖏᑦᑐᓕᕆᓂᖅ ᐊᕝᕕᐊᕈᑎᐅᕙᔪᕗ ᐊᒥᓱᓄᑦ. ᒫᑎ ᐊᑐᕆᑕᓐ ᐅᖃᐅᓯ− ᖃᖅᑐᖅ ᖃᓄᖅ ᐃᓚᖏᑦ ᓈᓚᕝ− ᕕᓕᕆᔩᑦ ᑕᐃᒫᒃ “ᓄᔭᑯᑖᐹᓘ− ᕙᔪᕗᑦ”. ᓇᕿᓪᓗᒍ ᐅᕙᓂ ᑕᒃᑯᓇᕈᒪᒍᕕᑦ ᑕᑯᓐᓇᒐᓕᐊᕆᓯ− ᒪᔪᒥᒃ.

ᐅᖃᓕᒫᖃᑦᑕᕐᓂᖅ

ᐅᖃᓕᒫᖃᑦᑕᕐᓂᖅ ᐃᓚᒋᔭᐅᔪᕗᖅ ᓯᕿᕐᖑᔭᕐᒥᒃ ᓯᕗᒧᐊᑉᐸᓪᓕᐊᑎᑦᓯ− ᒍᑎᐅᓪᓗᓂ ᐃᑲᕐᕋᖏᓐᓂᒃ. ᓇᓗ− ᓇᖅᑐᒻᒪᕆᑦᑐᓅᖓᔪᑦ ᐱᓪᓚᖏᓐ− ᖏᑦᑐᑦ ᐊᒻᒪᓗ ᐱᓪᓚᕆᓐᖑᐊᖅᑐᑦ ᐅᖃᓕᒫᒐᐃᑦ ᑕᒪᒃᑯᐊ ᐱᔭᐅᒍᒪ− ᓂᖅᐸᐅᖃᑦᑕᔪᕗᑦ.

ᖃᐅᑕᒫᑦ ᓂᐊᖂᔭᖅᑐᕐᓂᖅ

ᓈᓚᕝᕖᑦ ᐃᖏᕐᕋᖃᑦᑕᔪᕗᑦ ᐊᕿᐊᕈᕐᒥᓐᓄᑦ. ᓂᕆᓐᓇᐃᑦ ᐱᑎᑦᓯᖃᑦᑕᔪᕗᑦ ᐊᑲᐅᓇᖅᑐᒥᒃ ᐊᒻᒪᓗ ᐊᓯᔾᔨᖅᑐᒥᒃ ᐃᖏᕐᕋᒍᓯᕐᒥᒃ.

ᓈᓚᕝᕖᑦ ᓂᕿᓕᐅᕐᕕᖏᑦ ᐊᑦᓱᓪᓚᕆᒃ−ᓱᓇᖃᑦᓯᐊᖃᑦᑕᔪᕗᑦ, ᐊᒻᒪᓗ ᑕᒪᒃᑯᐊ ᓂᕿᓕᐅᖅᑏᑦ ᐱᑦᓯᐊᖅᑕᐅᓪᓗᑎᒃ. ᓂᕿᓕᐅᖅᑎ ᔮᓐ ᓲᕗᑦ (ᑕᓕᖅᐱᐊᓃᑦᑐᖅ) ᐱᔨᑦᓯᕋᖅᑯᖅ ᐃᖅᑲᓇᐃᔭᖅᑎᒥᒃ ᑕᐃᑲᓂ ᓕᔾ−3ᒥ. ᐊᔾᔨᓕᐅᒐᖅ ᐅᕙᓐᖔᖅᑐᖅ ᒍᐊᕐᑦ ᒪᒃᑳ

ᑖᓐᓇ ᐃᖅᑲᓇᐃᔮᖅ ᓂᖅᑎᐅᖅ− ᑎᐅᓂᖅ ᐊᑐᓪᓚᕆᑉᐸᔪᕗᖅ ᓈᓚᕝᕕᓐᓂ ᓴᐃᒪᑦᓯᐊᖁᓪᓗᒋᑦ. ᐃᓚᖏᑦ ᓂᖅᑎᐅᖅᑏᑦ ᓂᑦᓯᑦᑕᐅ− ᖃᑦᑕᔪᕗᑦ ᐅᑭᐅᖅᑕᖅᑐᒧᑦ ᐱᓪᓚ− ᕆᓚᖓᒋᐊᖏᑦ ᐊᑦᓱᐊᓗᒃ ᐊᑭᓕᖅᓱᑕᐅᑦᓯᐊᓂᕐᒥᒃ.

ᐃᓄᐃᑦ ᓄᓇᓕᖏᑦ ᓂᕆᑎᑦᓯᒐ− ᔪᑉᐸᔪᕗᑦ ᐃᓚᖏᓐᓂᒃ ᐆᒪᔪᖅᑕ− ᒥᓂᖏᑕ ᑕᒪᒃᑯᓄᖓ ᐊᓯᒥᓐᓄᑦ. “ᓂᕿᑐᐃᓐᓇᐃᑦ” (ᓂᖀᑦ ᐱᔭᒥᓃᑦ ᐊᕙᑎᑦᑎᓐᓂᒃ) ᓂᕿᑦᓯᐊᕙᐅᓪᓗᑎ ᖃᔪᓯᓯᒪᑦᓯᐊᕈᓐᓇᖅᓱᑎᓪᓗ. ᓄᓇᓕᒃ ᓂᕆᖃᑎᖃᕐᓂᕐᒥᒃ ᓱᓕ ᑕᒪᑐᒥᖓ ᐱᒻᒪᕆᐅᑎᑦᓯᕗᖅ ᑕᐃᒫᒃ ᐱᒐᓱᐊᖅᑎᑦᓯᓂᕐᒥᒃ ᐅᓪᓗᒥ.

ᐅᖁᒪᐃᓐᓂᕆᔭᖅ ᖁᕝᕙᖅᑐᖅ

ᐊᒥᓱᑦ ᓈᓚᔪᕝᕕᓕᕆᔩᑦ ᖁᐃᑦᑎ− ᓕᖃᑦᑕᔪᕗᑦ ᑕᐃᑦᓱᒪᓂ ᐱᔨᑦᓯᕋ− ᖃᑦᑕᖅᓱᑎᒃ ᑕᑉᐹᓂ ᐅᑭᐅᖅᑕᖅ− ᑐᒥ, ᒪᓐᓇᐅᓪᓗᓂ ᑲᑎᑦᑐᒋᑦ ᑮᑖᐱᒃ ᐃᖃᐃᓕᓴᖃᑦᑕᖅᓱᑎᒃ ᐊᒻᒪᓗ ᓂᕿᑦᓴᖃᕖᓐᖓᖅᓱᑎᓪᓗ.

ᓂᕿᑐᐃᓐᓇᐃᑦ

ᑎᐳᕋ ᐃᖅᑭᑦᑐᖅ ᐅᖃᓕᒪᔪᖅ ᒥᑦᓵᓄᑦ “ᐱᒻᒪᕆᐅᓂᖏᓐᓂ ᓂᕿᑐᐃᓐᓇᐃᑦ.

ᐱᓐᖑᐊᕐᓂᖅ, ᐃᓪᓘᑉ ᐃᓗᐊᓂ

ᑕᐃᑦᓱᒪᓂᐅᑎᓪᓗᒍ ᑕᒪᓐᓇ ᖃᐅ− ᔨᒪᖃᑦᑕᐅᑎᓂᕐᒧᑦ ᐅᐊᔭᒨᖅᑐᓕ− ᕆᓂᖅ ᐱᕙᓪᓕᐊᑎᑕᐅᓕᑕᐃᓐᓇ− ᑎᓪᓗᒋᑦ, ᐃᓪᓘᑉ ᐃᓗᐊᓂ ᖁᕕᐊ− ᓱᒐᓱᐊᕈᑎᑦᓴᐃᑦ ᓇᓗᓇᓗᐊᔪᓐ− ᖏᓚᑦ.

ᑕᑯᓐᓇᕐᓇᖅ ᐅᓐᓄᒃ ᑕᐃᑲᓂ ᓈᓚᕝᕕᒻᒥ. “ᑲᒪᒋᐊᖃᕐᓂᖅ ᑕᑦᓱᒥᖓ ᓈᓚᕝᕕᐅᑉ” ᑐᑭᓯᑎᑦᓯ− ᒍᑎᓂᒃ ᐅᖃᓕᒫᒐᕋᓛᓂᒃ.

ᐃᓗᐊᓃᑦᓱᑎᒃ ᑖᒃᑯᐊ ᓯᓂᕝᕕᒋᖃᑦᑕᖅᑕᖏᓐᓂ ᐃᓪᓗᓂ, ᓈᓚᕝᕕᓕᕆᔩᑦ ᐋᖅᑭᑦᓯᕕᐅᓯᒪᕙ− ᔪᕗᑦ ᐱᓐᖑᐊᕈᓐᓇᖁᓪᓗᒋᑦ ᑐᒐᕐᓂᕐᒥᒃ ᐸᐱᒃᑳᖃᑦᑕᓂᕐᒥᓪᓗ, ᐊᒻᒪᓗᑦᑕᐅᖅ ᒪᑭᑦᑕᖃᑦᑕᕐᓗᑎᓪᓗ ᐊᒻᒪᓗ ᐃᖏᕐᕋᒐᒐᐅᑎᒐᓚᓐᓄᓪᓗ ᐱᓐᖑᐊᕈᑎᓄᑦ. ᐃᓘᓐᓇᑎᒃ ᑕᒪᒃᑯᐊ ᐱᒋᐊᖃᖅᐸᔪᔪᑦ ᑲᒪᖃ− ᑎᒌᑦᓯᐊᕆᐊᖃᕐᓂᕐᒥᒃ ᐊᒻᒪᓗ ᐃᖅᑲᓇᐃᔭᖅᑎᐅᖃᑎᒌᑦᓯᐊᓂᕐ− ᒥᓪᓗ.

ᑕᕐᕆᔭᐃᑦ ᑕᒪᒃᑯᐊ ᐊᐅᓪᓚᖅᑎ− ᑕᐅᕙᔪᕗᑦ ᓇᓕᐊᓐᓄᕋᖅᑎᑕᐅᓪ− ᓗᑎᒃ ᓈᓚᕝᕕᓐᓄᑦ. ᓇᓪᓕᐊᓘᓐᓃᑦ ᐱᑐᖃᐅᓗᐊᕆᔭᐅᕙᔪᓐᖏᓚᑦ ᐅᕝᕙᓘᓐᓃᑦ ᐱᓐᖏᓗᐊᕆᔭᐅᕙ− ᔪᓐᖏᓚᑦ ᑕᑯᓐᓇᕆᐊᒥᒃ.

ᑎᑎᖅᑲᒃᑯᑦ ᑕᐃᒫᑐᐊᑦᓯᐊᒐᓚᒃ ᖃᐅᔨᒪᖃᑦᑕᐅᑎᒍᑎᐅᕙᔪᕗᖅ ᑕᒪᒃᑯᓂᖓ ᓇᓪᓕᒋᔭᒥᓐᓂᒃ ᐊᖏᕐᕋᖅᓯᒪᔪᓂᒃ.

ᒫᔅᑰ ᒫᓕ

ᓈᓚᐅᑏᑦ ᑕᒪᒃᑯᐊ ᑐᓄᑦᓯᓯᒪ− ᑲᐃᓐᓇᕈᑎᐅᔪᕗᑦ ᐃᖅᑲᓇᐃᔭᖅ− ᑎᓄᑦ, ᑭᓯᐊᓂ ᐃᕿᐊᑦᑖᒐᐃᓐᓂᕐᒥ ᑲᑕᑦᑎᑦᓯᒍᑎᑦ ᑎᑭᑉᐸᔪᕗᑦ ᐃᓱᒪ− ᔫᒥᓇᖅᑐᑎᒍᑦ ᖃᓄᐃᑦᑐᑐᐃᓐ− ᓇᒃᑰᖅᓱᑎᒃ−ᒪᑯᐊᑎᒍᑦ ᑐᓴᖅᓴᐅ− ᑎᑕᑎᒍᑦ ᐅᑯᓇᓐᖓᑦ “ᒫᔅᑰ ᒫᓕ”.

ᐃᒥᐊᓗᒃ

ᐃᒥᐊᓗᒻᒥ ᐃᒥᖃᑦᑕᕐᓂᖅ ᓄᖑᑉ− ᐹᓪᓕᑎᑦᓯᕙᔪᕗᖅ ᐃᕿᐊᓐᖑ− ᓂᕐᒥᒃ−ᐊᑯᓂᐅᓐᖏᑦᑐᖅ. ᓈᓚᕝᕕ− ᓕᕆᔩᑦ ᑕᒪᒃᑯᐊ ᐱᖁᔭᖃᓪᓚᕆ− ᖃᑦᑕᔪᕗᑦ ᐃᒥᐊᓗᓐᓂᒃ ᐱᓯᒪᑦᓯ− ᒍᓐᓇᕐᓂᖏᑦ, ᑭᓯᐊᓂ ᑕᒪᓐᓇ ᓄᖅᑲᑎᑦᓯᒐᔪᐅᑉᐸᔪᕗᖅ ᖁᕕᐊ− ᓱᒍᒪᔪᓄᑦ.

ᐱᓐᖑᐊᕋᑦᓴᐃᑦ

ᒪᑭᑦᑕᖃᑦᑕᕐᓂᖅ ᐃᖏᕐᕋᔭᕋᕐᓂᕐᓗ ᐃᖏᕐᕋᑎᑦᓯᕙᔪᕗᖅ ᓯᕿᕐᖑᔭᒥᒃ, ᑭᓯᐊᓂ ᐱᑕᖃᕆᐊᖃᖅᐸᔪᕗᖅ ᓈᒻᒪᑦᑐᓂᒃ ᐱᓐᖑᐊᕈᒪᔪᓂᒃ.

ᐅᖃᓕᒫᒐᖃᕐᕕᒃ

ᑖᓐᓇ ᓈᓚᕝᕕᐅᑉ ᐅᖃᓕᒫᒐᖃᕐ− ᕕᖓ ᐃᓚᒋᔭᐅᕙᔪᕗᖅ ᐱᕕᑦᓴᐅ− ᓂᕐᒥᒃ ᐅᖃᓕᒫᕋᑦᓴᓂᒃ.

ᓈᓚᕝᕕᐅᑉ ᐊᖏᔪᖅᑲᕕᖓ

ᓈᓚᕝᕕᐅᑉ ᐊᖏᔪᖅᑳᕕᖓ ᑲᒪᒋ− ᔭᖃᓚᐅᖅᓯᒪᕗᖅ ᑖᓐᓇ ᐊᐅᓚᑦ− ᓯᐊᖅᑎᑕᐅᓂᖓᓂᒃ ᐹᒃᔅ−ᒪᐃᓐ.

ᑕᐃᓐᓇ ᓈᓚᕝᕕᐅᑉ ᐊᖏᔪᖅᑳ− ᕕᖓ ᐊᓪᓚᕝᕕᖓ ᑕᑕᑉᐸᔪᕗᖅ ᒪᑯᓂᖓ ᓇᓗᓇᐃᔭᕐᕕᐅᓯᒪᔪᓂᒃ, ᑕᑕᑎᒐᕐᓂᒃ, ᑎᑎᖅᑲᒃᑯᕕᓐᓂᒃ, ᓄᓇᓐᖑᐊᓂᓪᓗ. ᓈᓚᕝᕕᐅᑉ ᐊᖏᔪᖅᑳᕕᖓ ᓯᑖᓐ ᑑᓯᑦ ᐸᐃᑉ− ᐹᓕᕆᕗᖅ ᑕᐃᑲᓂ ᐹᒃᔅ−ᒪᐃᓐᒥ. ᐊᔾᔨᓕᐊᒐ ᐅᕙᓐᖔᖅᓯᒪᔪᖅ ᔨᒻ ᕼᐊᑦᑕᓐ

ᐱᓗᐊᓐᖑᐊᖅᑐᒥᒃ ᑲᒪᒋᔭᖓ ᐃᖅᑲᓇᐃᔮᑉ ᒪᓐᓇ ᖃᐅᔨᓴᕆᐊ− ᖃᕐᓂᖓ ᐃᖏᕐᕋᐃᓐᓇᕆᐊᖃᕐ− ᓂᖏ ᓱᓇᑦᓴᐃᑦ ᐱᒋᐊᓖᑦ ᐃᖅᑲᓇᐃᔭᖅᑏᑦ ᑲᒪᒍᓐᓇᖁᓪᓗᒋᑦ ᐃᖅᑲᓇᐃᔮᒥᓐᓂᒃ.

ᑕᒪᓐᓇ ᓯᓚ ᐱᓗᐊᓐᖑᐊᖅᑐᒥᒃ ᐃᒃᑮᓇᕕᔾᔪᐊᓲᖑᓂᖓᓄᑦ, ᑕᑦᓯᓲᖑᓂᖓᓄᑦ, ᖃᑯᓲᖑᓂᖓ− ᓄᓪᓗ, ᒪᑯᓂᖓ ᑎᑭᕝᕕᐅᒍᒫᕐ− ᓂᐊᖅᑐᓂᒃ ᐊᑐᕈᓐᓃᑎᑦᓯᑦᓯᐊᓲᑦ.

ᕿᑲᕆᐊᑲᐃᓐᓇᕐᓂᖅ

ᑖᓐᓇ ᓈᓚᕝᕕᐅᑉ ᐊᖏᔪᖅᑲᕕᖓ ᑐᑭᒧᐊᑦᑎᑦᓯᖃᑦᑕᔪᕗᖅ ᐃᓘᓐᓇ− ᖏᓐᓂᒃ ᕿᑲᕆᐊᖅᑐᑦ ᐊᐅᓪᓚᖅᓱᑎᒃ ᖃᓪᓗᓈᓄᑦ.

ᑕᐃᓐᓇ ᓈᓚᕝᕕᐅᑉ ᐊᖏᔪᖅᑳᕕᖓ ᐅᓪᓗᒥ ᑖᓐᓇ

ᐃᓄᓐᓄᑦ−ᐊᐅᓚᑕᖅ ᓇᓯᑦᑐᖅ ᑯᐊᐳᕇᓴᓐ ᐅᓪᓗᒥ ᐊᐅᓚᑦᓯᕗᑦ ᐅᑭᐅᖅᑕᖅᑐᒥ ᓈᓚᕝᕕᒻᒥᒃ ᑕᐃᑲᓂ ᖃᐅᔨᒪᔭᐅ− ᓚᐅᖅᓯᒪᔪᒥ ᐃᒫᒃ ᐹᒃᔅ−ᒪᐃᓐᒥ. ᓈᓚᕝᕕᐅᑉ ᐊᖏᔪᖅᑳᕕᖓ ᒫᒃ ᒪᒃᑭᓕᐊᕆᓐ ᐅᖃᓕᔪᖅ ᒥᑦᓵᓄᑦ ᐃᖅᑲᓇᐃᔮᕆᔭᒥᓄᑦ ᐅᓪᓗᒥ.

ᐋᓐᓂᐊᓗᓂ ᑲᒪᒋᔭᐅᑦᓯᐊᕐᓂᖅ

ᐃᓅᓯᖃᕐᓗᓂ ᐅᑭᐅᖅᑕᖅᑐᒥ ᐃᒪᐃᓐᓇᕋᔪᑉᐳᖅ ᐅᖓᓯᑦᓴᕐᓂᖅ ᒪᑯᓇᓐᖓᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᑎᓄᑦ. ᐃᓚᖏᑦ ᓈᓚᕝᕖᑦ, ᑖᓐᓇᑎᑐᑦ ᐹᒃᔅ−ᒪᐃᓐ, ᓘᑦᑖᖃᖃ− ᖃᑦᑕᔪᕗᑦ ᐊᒻᒪᓗ ᕼᐊᓪ ᐲᑦᔅᒥ ᐋᓐᓂᐊᓯᐅᕐᕕᖃᖃᑦᑕᔪᕗᑦ, ᑕᑯᑦᓴᐅᔪᖅ ᐅᕙᓂ 1960ᒥ.

ᐋᓐᓂᐊᓯᖅᑕᐅᓂᖅ

ᓇᐅᔫᐱ ᐊᒻᒪᓗ ᑖᑦᓱᒪ ᐃᓚᖏᑦ ᓄᓇᖃᖃᑦᑕᔪᕗᑦ ᓄᓇᓕᒻᒥ ᖃᓂᒋᔭᖓᓂ ᑕᐃᑦᓱᒪ ᓈᓚᕝᕕᐅᑉ. ᑖᓐᓇ ᐱᖃᑎᑖᓚᐅᖅᓯᒪᔪᖅ ᓈᓚᕝᕕᓕᕆᔨᒥᒃ ᐃᐊᓐ ᑖᑦᒥᒃ, ᑕᑯᔭᑦᓴᖅ ᐅᕙᓂ ᑲᒪᑎᓪᓗᒍ ᐋᓐᓂᐊᔪᖃᓕᓐᖏᒃᑲᓗᐊᕐᒪᖔᖅ ᖃᐅᔨᓴᕐᓂᕐᒥᒃ.